又年尾


個人分享
Tagged With: , , , , , , , , ,

今年工作方面就話好唔好,話差唔差,只不過仲未打開到一個缺口可以突圍而出。幾經辛苦先至可以話開展培訓方面嘅業務,但係仲係一個好初步嘅階段。而五年過去,將會係點?真係唔知!唔知係應該守,定係應該係時候再博一博。不過點都好,係時候諗下其他市場,繼續咁浪費精力同時間唔係辦法。希望明年可以有啲起色。雖然未死得,但係都係得返半條人命。

搬屋去


個人分享
Tagged With: , , , , , , , , ,

「空間」

係香港,居住環境係最令人頭痛嘅地方,因為活動空間實在太細,而俾小朋友活動嘅地方基本上同外國係有天淵之別。如果你問我當然係希望自己個仔有多啲活動嘅空間,而係唔係無條件去外國生活,其實又唔係。不過依家好多嘢都係香港建立咗,一時三刻都未必可以話走就走。所以都係搵屋搬咗先,等老婆同郭大少又多啲活動空間。不過依家搵屋真係頭都大!睇嚟睇去都無間啱心水。

去賽車

係香港要接觸賽車係一件比較困難嘅事,雖然話地方細但係澳門同新加坡都有唔同嘅賽事。莫講話香港無任何國際嘅比賽,甚至乎一個小型賽車嘅場地都無。依家啲車手大部份都要係其他地方訓練同比賽。所以話要接觸到賽車嚟樣嘢都幾難。但係最好笑嘅地方就係香港其實有好多超級跑車,而香港嘅交通真係無可能發揮到嚟啲車嘅性能,更何況話渣快啲。

話咁快

唔經唔覺郭大少話咁快已經五個月大!時間真係過得好鬼快,而依家佢越嚟越多表情,但係最安慰嘅係佢都算係一個開心嘅小朋友。我相信除咗自己個仔之外都好少見到咁開心嘅小朋友。因為佢基本上好鍾意笑,除咗有要求,但係只要你同佢玩,一般佢都會俾返一個好燦爛嘅笑容俾你。有時出街嘅時候,有啲陌生人見到佢同佢笑,佢都會唔執輸咁俾返個招牌笑容人哋。

失去了


個人分享
Tagged With: , , , , , , , ,

人嘅一生其實失去的係應該比得到的更多。好多事同物都會俾時間慢慢咁逐少逐少咁吞噬。就算你出盡九牛二虎之力,意圖改變嚟啲殘酷嘅現實,因為基本上係無可能。所以我哋應該要學識點樣去面對每日我哋都有可能失去嘅事物,但係唔代表順來逆受。有時你越唔想失去嘅嘢偏偏就會好容易失去,所以何必執著得失,因為有時以為係失但係其實係得。何必計較咁多呢?