「事業」 今年忙咗一年，又係時候做總結。雖然好忙，但係好滿足！數據分析開始係香港慢慢有起色。最開心嘅係客戶都好支持我哋亦好開心可以同大家合作。希望明年可以再上一層樓！再繼續推廣數據分析嚟個新嘅行業同培訓更多嘅年青一代加入我哋令香港有更多專才！同時當然希望收入都可以有增長！

「點解」 支持運動，因為學生是我們的未來，他們無奈走到街上吶喊，以和平方式爭取的是民主，追求理想的社會！政府都宣傳叫我們聽聽少年心底話，他們正在吶喊。。。希望香港有真普選！我聽到了，你呢？

「唞唞」 做咗咁多年嘢，真係未試過年尾可以忙成咁。基本上除咗紅日個幾日之外，日日都仲要係咁開會。唔知係市況好定係過兩日嘅 2015市況差？點都好，辛苦咗一年，真係想唞吓。等自己可以好好坐低諗下嘢。日日係咁衝真係唔係辦法。

「點解」 身為80後，2003年我還是學生，為反對廿三條立法參與遊行，可是朋友同學間同行者並不多，亦即是所謂昏睡年代。我曾經失望，因為我沒有力量去喚醒年青人一同去關注香港民主發展。但時代選中了這代學生，企出來為我們去爭取理想，這回不可退縮，我必定撐到底！

「港鐵」 等咗咁多年，港鐵西港島綫終於起完。但係西營盤站仲未用得！基本上條條起緊嘅鐵路唔係超支就係延遲。講到好似好好，但係其實係唔係真係幫到整體香港就要啲時間去睇。西港島線係 2009年8月10日動工，直至 2014年12月28日首先開通堅尼地城站同香港大學站。正正用咗五年有多！年年加價但係一開通又係有信號問題。