團年啦

話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。

團年飯


個人分享
Tagged With: , , , , , , , , ,

「年尾」

每年嘅農曆年尾除咗做冬,就當然係食團年飯喇。而老人家當然好重視團年飯,因為佢哋當然希望見到啲仔女呀,啲孫呀,一齊開開心心咁係屋企食餐飯。當然我慶幸嘅係經過上年一年嘅家庭健康問題,今年團年飯繼續一家齊齊整整坐低食飯。雖然嫲嫲年紀大,有時我哋希望佢唔好咁辛苦煮飯,不過老人家就當然想自己煮餐飯俾屋企人食啦!