考評局

真係估佢唔到,因為一條文憑試嘅問題,竟然掀起一場風波。所有歷史係有值得探討嘅原因!當然歷史係無辦法改變,亦無爭議嘅餘地。只不過題目係考學生嘅理解同辯論能力,咁點解問是否同意「1900-45年間,日本為中國帶來的利多於弊」會有問題?點解教育局局長楊潤雄要要求考評局取消該試題?相信無人會唔知第二次世界大戰日本對亞洲各國所帶嚟嘅影響,只不過係問「是否同意」,咁有乜嘢問題?

改完卷

每年到咗呢個時間都係大學生考完試,輪到我哋改卷嘅時候。其實有時都唔知係唔係自己攞嚟,因為出卷嘅係自己,改嘅又係自己,所以份卷嘅題目越複雜就越難改。真係搵自己嚟搞。但係如果唔認真啲出題目又點知啲學生學咗啲乜。所以的學生最多都係辛苦個兩三個鐘,但係我哋就要用多好多時間去改卷。之前二三十人都還好,但係今年成五十人就真係大鑊。