換頭像

每個人嘅價值觀都有唔同!乜嘢叫做廉價表態,乜表態有分貴定平?我真係唔知,因為對我嚟講表態係對一啲事同物嘅睇法。咁點為之廉價?我出文章係記錄自己今日嘅念法,對我嚟講係無價!正所謂不喜勿入,你可以選擇去睇同唔睇。有時大家都只係想多啲人知道同關注事件,可必要用價值去評論事件呢?希望大家唔好只係為咗自己嘅睇法唔同而去否定別人嘅價值觀!事關大家都係嚟個社會嘅人,大家都係平等!

大頭相

我其實好少會換我係各大平台嘅大頭相,原因係我好少覺得有一張係啱心水,所以有啲一用就好幾年。如果你見到我真人嘅話,一定係有啲分別,因為好多時都係幾年前影落。當然好多時大家一定要去影大頭相嘅時候就係拎證件,但係大多數嘅時間都係匆匆忙忙係無心理準備嘅情況下去影。所以要一張見得下人嘅就真係少之又少。如果你係街到認到我,咁你都幾犀利!當然朋友例外!