歌托邦

又係一年一度嘅叱吒頒獎典禮,今年嘅主題係「我們的歌托邦」。第一次聽到「歌托邦」嘅時候其實唔明點解。後嚟上網睇返,其實係寓意每人心目中都有一個屬於自己嘅叱咤頒獎禮,一個屬於自己嘅「歌托邦」。今年總共有四十三個獎項,所有叱咤獎項將沿用「叱咤樂壇流行榜 -903專業推介」之歌曲播放率作為統計基礎,而「叱咤樂壇我最喜愛」嘅男、女歌手、組合、歌曲大獎,則由會樂迷投票決定。

港電影

近年真係越嚟越少睇港產片,因為好多都真係爛片一套。如果你要我俾幾十蚊而且浪費我個零兩個鐘,我真係倒不如唔睇。作為香港人其實點會唔想支持香港電影,但係好多時啲劇本為咗內地市場而導致觀賞性減低。當然間唔中都會有一啲好嘅港產片,但係真係可遇不可求。所以真係好視乎套電影本身係一個投資電影定係藝術電影,因為如果睇回報嘅話咁香港嘅市場對於投資者嚟講就真係太細。

叱吒台

又係每年一度嘅「叱吒樂壇流行榜頒獎典禮」,而今年嘅焦點亦都係落係坤哥,吳業坤身上。當然好多人會問點解佢有資格?首先「叱咤樂壇我最喜愛的歌曲大獎」係現場觀眾一人一票即將選出嚟,就連「羅生門」都俾「原來她不夠愛我」撼低。總票數相差二百票,咁你話呢?而「叱咤樂壇我最喜愛的男歌手」就當然有更多爭議,因為一個新人竟然打敗陳奕迅,張敬軒,羅力威同周柏豪!