流程化

好多人都唔明點解啲大公司會有咁多流程。其實睇下你點睇啲流程,如果太過繁複而影響正常工作效率,咁當然係可免則免,但係亦有啲流程係可以令件事做得更加流暢,同時俾所有人一個清晰嘅指引,提高質素之餘亦可以減少錯誤。就算真係錯咗都可以尋根究底,睇下邊度出咗事。不過最緊要就係可以統一員工做嘢模式,更容易管理同擴充。

辦公室

相信好多人都知道我由創業開始到依家,公司一直以係無辦公室,所有人都係屋企工作,而開會都係去咖啡室或者電話居多。日常溝通都係透過即時通訊軟件同電郵。當然亦有好多人會問點解一間公司嘅員工全部係屋企工作!其實原因好簡單,因為我哋嘅辦公室使用率極低。大部份嘅時間我哋都係出咗去做嘢,真係無幾可會朝九晚五坐定定係辦公室入面。