在哪兒

相信同我年紀差唔多嘅人都應該記得有首兒歌叫做「哪兒」。而世界真係好奇妙,因為首歌原來係一位朋友/前輩嘅作品!亦都係因為兩年前「小塵埃」翻唱首歌先至知道首歌原來係佢嘅作品。近日因為電視劇「降魔的 2.0」嘅緣故,「哪兒」再一次勾起大家嘅回憶!不過背後除咗係一首兒歌之外,一個集體嘅回憶之外,其實首歌背後係有一個故事,一個關於「哪兒」嘅故事!

東方昇

真係好耐無睇無線嘅劇集,但係最近又有新一輯嘅「世界零距離」咁當然要睇下今次方東昇又有啲乜嘢金句帶俾各位觀眾。如果唔係佢咁多金句應該都唔會吸引咁多人睇。因為最近啲劇集真係無一套吸引,就算想睇道無計,因為要等郭大少瞓咗我哋先至會開電視。雖然個節目只係播咗三集,但係已經好好笑。更重要嘅係真係有嘢睇,有嘢笑,有嘢學嘛!好難得係有啲咁嘅節目當然要坐定定睇啦!

賀台慶

「討論」

今日最多人討論嘅一定係「萬千呃Like賀台慶」,而當中有支持有批評。雖然大家都知道佢哋資源有限,而且好多都唔係藝人,而今次搞台慶好大關係想承接之前嘅成功。不過要在係短短幾個月嘅時間籌備咁大型嘅騷真係有點難度。其實佢哋係唔係急咗啲?定係上次已經用盡所有嘅腦汁?繼續用現在嘅方法可以維持幾耐?

電視業


個人分享
Tagged With: , , , , , , , , ,

香港嘅電視業去到呢一刻真係越嚟越倒退,無競爭,無進步。成日話市場萎縮,咁點解會萎縮?其實原因唔係個個變成低頭族咁簡單。首先社會嘅娛樂多咗,返工無放工,科技日新月異,節目質素每況越下,新聞政治化,等等都係導致依家所謂嘅問題。當然每個行業都有自己嘅龍頭大佬,亦有興衰嘅時期,但係不進則退,慢慢就會俾人淘汰。

玩遊戲


個人分享
Tagged With: , , , , , , , , ,

細細個身邊好多同學都有電視遊戲機,而當然我自己都好想有啦。所以大個咗就買返部返屋企,而第一部我買嘅機係 Sony 嘅 PS3。以前做嘢當然有多啲時間玩,但係而家部機都封晒塵。唔好話買遊戲玩,有啲買咗好耐都未玩晒。不過而家打機方便咗咁多,仲會唔會坐定定係張梳化度打機?我諗部機遲早要收埋佢,因為真係無時間玩。