狼人傳

今日終於睇咗盧根,而睇完嘅感覺真係有啲空虛同傷感,除咗因為係一個年代嘅終結之外,係無諗過狼人同教授最終嘅結局會係咁。當然英雄科幻電影通常都會有伏線,相信不久嘅將來又會有新嘅變種特攻電影出爐。只不過會係啲乜嘢嘅故事就真係要到時先知,因為盧根係曉治積曼同柏克史釗域參與變種特攻嘅最後一部電影。但係邊個可以取代佢哋兩個嘅地位呢?就好似以前蜘蛛俠同神奇四俠一樣,角色已經深入民心可能改朝換代。

屍殺後


個人分享
Tagged With: , , , , , , , , ,

其實留意咗套韓國電影「屍殺列車」好耐,最初應該係社交媒體睇到預告片。講真以前大家都應該會睇過韓國電影,而近年韓國嘅電視劇同電影真係越嚟越好。雖然香港電影業發展比較早,但係近年真係無乜邊套電影真係叫好叫座。回歸正傳,一套好似生化災難片嘅喪屍片,竟然帶出一個又一個探討人性嘅訊息。所以如果你去睇嚟都係因為佢係喪屍片,因為睇特技,老實講你有可能會失望!

揀邊隊

「點揀」

係未去睇「美國隊長:英雄內戰」,其實網上面都已經透露咗好多情節。新角色嘅出現其實大家都預咗!至於大家鐘意「美國隊長」定係「鐵甲奇俠」就真係好見仁見智!如果你問我當然係鍾意「鐵甲奇俠」多啲,話晒佢啲裝備真係次次都帶俾你驚喜!但係當你睇完今集嘅「美國隊長」有可能會改變你嘅諗法!咁你睇完之後又會揀邊隊?

港電影

近年真係越嚟越少睇港產片,因為好多都真係爛片一套。如果你要我俾幾十蚊而且浪費我個零兩個鐘,我真係倒不如唔睇。作為香港人其實點會唔想支持香港電影,但係好多時啲劇本為咗內地市場而導致觀賞性減低。當然間唔中都會有一啲好嘅港產片,但係真係可遇不可求。所以真係好視乎套電影本身係一個投資電影定係藝術電影,因為如果睇回報嘅話咁香港嘅市場對於投資者嚟講就真係太細。

正與邪

今年有兩套大片都係講關於好人與好人之間嘅鬥爭。不論係「超人」同「蝙蝠俠」,定亦或係「美國隊長」同「鐵甲奇俠」,講真佢哋個個都係正義之士!但係點解佢哋最後要互相對決?其實我想講嘅係無論係正邪之爭,正正之爭,定係邪邪之爭,只要大家意見不合,價值不一,無論是對是錯,是誰是非,是黑是白,到最後都會各持己見去維護自己覺得嘅價值觀。