藏偽鈔


個人分享
Tagged With: , , , , , , , , ,

香港法例第二百章刑事罪行條例第一百條第一段,涉及保管或控制偽製紙幣及硬幣嘅罪行:任何人知道或相信任何屬流通紙幣或受保護硬幣的偽製品的物品是上述偽製品,而保管或控制該物品,意圖將該物品作為真的流通紙幣或真的受保護硬幣行使或付給,或意圖將該物品交付另一人以由該另一人或其他人將該物品作為真的流通紙幣或真的受保護硬幣行使或付給,則該名首述的人即屬犯罪,一經循公訴程序定罪,可處監禁十四年。

張志明

如果大家睇晒《春嬌與志明》,《志明與春嬌》同《春嬌救志明》嘅話!你會唔會覺得自己係張志明或者係余春嬌?當然兩個角色都係好寫實,但係用一個男人嘅身份去睇張志明嘅話,有啲位係認同嘅,不過亦有啲位就未必啦。一段關係唔係單方面付出就可以,有好多嘢都隨住時間而改變,所以雙方要不斷磨合先至可以不斷維繫雙方嘅感情。而張志明係唔係一個長唔大嘅細路?真係見仁見智!

狂野八

唔經唔覺《狂野時速》已經嚟到第八集!過去七集真係好好睇,當然由第四集開始可以話係整個系列嘅轉逆點!當然每次睇完都希望有下一集,因為每一集都好好睇!當然 Paul Walker 離去真係好傷心,因為佢真係嚟個系列嘅靈魂人物。咁究竟去到第八集會點?無咗 Paul Walker 嘅《狂野時速》仲會唔會咁好睇?相信好多人都會拭目以待究竟得返 Vin Diesel 嘅《狂野時速》會係點!

港產片

老實講真係好耐無睇港產片,最近最想睇嘅應該係「一念無明」。不過除此之外,今年被提名嘅電影真係有好多都聽都未聽過!或者近年真係睇少咗戲,所以真係無乜留意究竟有啲乜嘢嘅港產片。另外其實都有小小怕睇嗰啲合拍嘅電影,因為套戲有非本地嘅演員,啲對白好多時都要搵配音將佢變返做廣東話。其實感覺真係好怪,所以如果唔係啲超級好評嘅電影都好少會入場睇。

美女與

相信好多人都睇過《美女與野獸》呢套經典卡通片!最近嚟套卡通片再一次係大銀幕上演,只不過今次係以真人同電腦特技動畫所拍攝嘅一套電影。雖然入面有啲情節同原著有啲出入,但係啲歌舞真係拍得好好睇。當然最受矚目嘅就係由愛瑪屈臣擔任女主角啦,因為好似自從哈利波特之後,今次係第一次睇佢主演嘅電影。另一方面就當然係比較下《美女與野獸》同《星星夢裡人》啦!