撐港台

政府近日接二連三咁打壓香港電台!除咗早前收回教育電視大樓之外,早前因為港台節目《頭條新聞》播出諷刺警方執法嘅內容而屢遭投訴,通訊事務管理局亦都因此作出調查。2 月14 日播出嘅《頭條新聞》收到超過 3300 個嘅投訴,而今日通訊局經過調查後,認為《頭條新聞》污衊同侮辱警方,資料不準確,未能係個人意見節目中表達多方面意見,裁定投訴成立。所以向港台發出警告,敦促要嚴格遵守《電視節目守則》。

早霸王

有時返工悶悶地通常都會聽歌或者聽電台節目。當然聽電台節目都係上網或者用手機程式去聽,因為一來有誤會影響到人,二來又唔會太過影響工作。不過有時有啲環節真係好好笑,就算做緊嘢都忍唔著笑咗出嚟。除此之外電台節目通常都有新聞環節,藉此可以知道世界發生緊啲乜嘢事。自己以前返工就已經好習慣聽著做嘢,因為其實自己會專心啲!