香港地

「身份」

如果你問我香港人嚟三個字代表啲乜嘢,我會話嚟個係我哋嘅身份,因為香港係我屋企,香港係我嘅根!不論黨派,不論理念,香港人就係香港人。我哋係生活係一個文明同發達嘅城市,有一個完整嘅司法制度,有民主,有自由。大部份人都係一個殖民地嘅城市成長!而我哋講求嘅係公平,公義同公正嘅地方!但係而家香港人嚟三個字變得越嚟越陌生!

七月一

唔經唔覺香港已經回歸咗十八年!所謂嘅五十年不變係唔係真係無變過?如果你問我,我會同你講變咗好多!就算只係返咗嚟好幾年,但係已經感受到個變化。雖然話自己都係內地生活過五年,但係香港始終係香港,係應該有自己獨特之處。香港原本有嘅優勢慢慢流失,而一個健全嘅社會係應該有多元化嘅發展。不過回歸之後就樣樣嘢都一步一步倒退。