要落地


個人分享
Tagged With: , , , , , , , , ,

好多時大家覺得好容易嘅嘢,其實對於大部分嘅人嚟講原來係好複雜同好難明。莫講話搞網店做生意,就算連點樣註冊域名同開個公司電郵,十分鐘嘅嘢就已經可以考起好多人。所以要將好技術嘅嘢簡單化,要用平民百姓都聽得明嘅語言去教人點樣開網店,甚至乎用數據去了解客戶同投放廣告,其實真係一啲都唔容易。要落地首先要將複雜同技術術語平民化,如果唔係真係雞同鴨講。

速成班

過去幾個月都係比較專注係開班教分析數據嘅業務,當然係因為之前有好多人都問我邊度有堂上。雖然已經行咗一排,不過係唔同嘅地方都見到有其他公司都有開唔同類型嘅課程,有時亦都會諗大家嘅定位有啲乜嘢唔同。我相信最大嘅分別係宣傳手法同課程嘅價錢定位,而好多時見到佢哋最常用嘅字就係速成!咁明白嘅,因為香港人忙所以樣樣嘢就當然希望學完就用得,只係現實同希望係兩回事!