好多時我都會話雞先定蛋先，因為數據就係咁。要利用數據就先要收集數據，要收集數據就先要有明確嘅目的，要有明確嘅目的先要知道點解要利用數據。無數據就無得分析，所以又係一個雞同雞蛋嘅問題。但係唔知點解而家係又大數據，唔係又大數據，個個都只係得個講字，而究竟有幾多人真係認識大數據嘅應用，真係好難講。究竟係學術層面，定係商業層面？講到尾係要解決到問題先至得！