雙十一


個人分享
Tagged With: , , , , , , , , ,

每年到咗十一月十一日,俗稱雙十一嘅光棍節,變成大家瘋狂係網上面買嘢嘅日子。只不過大家有無諗過瘋狂嘅消費嘅背後,究竟我哋浪費緊幾多地球嘅資源?一件好細嘅貨件就已經要用好多資源去包裝,再加上運輸過程所用嘅資源等等,其實整個雙十一對環境所造成嘅破壞係無法用經濟效益嚟衡量。當然好多人都只係會諗買平嘢,而好多時忽略咗對我哋嘅環境有幾多影響。

國殤日

香港嘅和平紀念日原先都係每年嘅十一月十一日,而亦係為咗紀念第一次世界大戰結束重歸和平。不過自一九四五年之後就改為十一月嘅第二個星期日。回歸前香港總督同政府官員都會係中環和平紀念碑紀念第一次世界大戰同悼念陣亡戰士。回歸之後,香港就以佛誕假期取代香港重光紀念日,紀念活動合併一起在和平紀念日舉行。紀念儀式沿用英聯邦儀式,包括奏起《最後崗位》,並默哀兩分鐘。

光棍節


個人分享
Tagged With: , , , , , , , , ,

當然唔係個個知道乜嘢係「光棍節」,其實好簡單,我哋香港人所講嘅「光棍」咪就係無伴侶嘅男仔囉。不過「光棍」亦都係代表單身。而無啦啦點解十一月十一號叫做「光棍節」?又係一個好簡單嘅解釋,就係因為阿拉伯數字係四條一,好似四碌棍咁棟咗係度,所以「光棍節」就係咁誕生。不過有商家就將「光棍節」變成商業活動,自此十一月十一號就變咗一年一度嘅網絡購物節。