寫唔寫

如果有睇到今日特首點樣回應《國安法》嘅話,其實應該都預咗佢會講乜嘢廢話。基本上《基本法》附件三係一個後門,任何時候其實都可以隨時將中國法律加入附件三。咁當然《國安法》所涵蓋嘅範圍實在太廣同太闊,咁究竟自己仲寫唔寫有關自己嘅睇法同政治相關嘅嘢好呢?當然出得文或多或少都會預咗,只不過今次咁強硬,可見佢哋淨係擔心社會運動繼續落去嘅話係會出事。

國安法

因為上年反修例而引起嘅社會風波,直到今日依然未平息。接二連三政府不斷打壓,亦都未有回應市民嘅訴求。與此同時香港回歸咁耐依然未為《基本法》23條立法,但係即將開幕嘅中國全國人民代表大會將審議有關香港「維護國家安全」的議案。據媒體報道,今次加入嘅《國安法》將包括顛覆國家政權,分裂國家,恐怖活動,以及外部勢力干預。