港產片

老實講真係好耐無睇港產片,最近最想睇嘅應該係「一念無明」。不過除此之外,今年被提名嘅電影真係有好多都聽都未聽過!或者近年真係睇少咗戲,所以真係無乜留意究竟有啲乜嘢嘅港產片。另外其實都有小小怕睇嗰啲合拍嘅電影,因為套戲有非本地嘅演員,啲對白好多時都要搵配音將佢變返做廣東話。其實感覺真係好怪,所以如果唔係啲超級好評嘅電影都好少會入場睇。

港電影

近年真係越嚟越少睇港產片,因為好多都真係爛片一套。如果你要我俾幾十蚊而且浪費我個零兩個鐘,我真係倒不如唔睇。作為香港人其實點會唔想支持香港電影,但係好多時啲劇本為咗內地市場而導致觀賞性減低。當然間唔中都會有一啲好嘅港產片,但係真係可遇不可求。所以真係好視乎套電影本身係一個投資電影定係藝術電影,因為如果睇回報嘅話咁香港嘅市場對於投資者嚟講就真係太細。

我要真

「老爺」

今日最多人講嘅題目相信除咗「丁蟹效應」之外就一定係「黃秋生」係香港電影頒獎典禮講嘅「我要真。係做司儀」。無論你對佢有冇好感都好,好多時無論係訪問或者網上嘅言論都展示出佢嘅清晰嘅思維。如果你有睇過佢講「歧視」嘅訪問就知道佢講嘢係好有邏輯同句句到肉。今次除咗「我要真」之外,「袋住先」亦都係另一個焦點!真係「抽」到盡!

金像獎

「香港」

今年香港電影金像獎已經嚟到第三十四屆,但係真係越嚟越少睇港產片,原因我諗好多人都知。睇返個入圍名單我真係睇咗一套咁大把,嚟套就係「周迅」嘅『撒嬌女人最好命』,而且我唔係賣飛入戲院睇。或者係覺得都係要俾錢嘅話,點解唔睇啲好睇啲嘅戲呢。除非真係口碑好好嗰啲啦,如果唔係真係唔會入場睇。