廿個月


個人分享
Tagged With: , , , , , , , , ,

今個月真係發生咗太多嘢,因為月頭郭大少連續發咗幾日高燒,之後因為擔心佢所以佢定同佢入院以防萬一。之後醫生確診為「皰疹性齦口炎」,而佢最終係醫院住咗三日兩夜,就係咁我同佢一樣都係第一次係醫院過夜!對於一個咁細個嘅小朋友要係醫院過幾日真係幾辛苦,見到佢連最鍾意食嘅嘢都唔肯食真係唔知點算好,而做父母嘅就當然係希望小朋友健健康康咁成長啦!

入醫院

郭大少由出世開始都好健康,係試過手足口同玫瑰疹,但係兩次都係因為比人傳染。所以每當佢一發燒我哋都好緊張,因為真係好怕啲流感病毒。小朋友發燒真係可大可小,而如果唔係話去到四十度咁高燒嘅話,一般我地都睇到實。依家有好多病我哋真係未聽過,因為細個邊度有咁多奇怪病,最多都係發燒感冒個啲嘢。真係做咗人哋父母先至知道個小朋友有咁多唔同嘅病。

出入院


個人分享
Tagged With: , , , , , , , , ,

近期除咗因為郭丶大少出世同老婆入院開刀之外,亦一因為爺爺早幾日係屋企跌到而出入醫院。而早幾日醫生,出奇地俾我爺爺出院!點解我會用出奇嚟形容?雖然做咗檢查,大至上無大問題,但係爺爺對腳就連落床嘅能力都無!咁點解可以批准佢出院呢?況且一直戶都仲末搵到點解對腳無力嘅真正原因!政府醫院都真係得㗎啦!

實習中

前晚就因為緊張瞓唔到,雖然預咗頂到返屋企就會斷片,但係點知返到屋企瞓咗陣之後就無啦啦彈咗起身。所以都係繼續做嘢,清下啲公司嘢,然後就準備去醫院睇老婆同個仔。點知老婆話佢已經起咗身,而去到醫院嘅時候老婆已經餵緊個仔食奶。最好笑就係食完奶之後佢好開心,擘大眼對住我哋笑。不過今日就扭計要人抱。老婆一抱就笑,真係唔可以種壞佢!

走佬袋

一路都覺得好好笑,點解大肚婆入醫院嘅時候要執一個袋,而大家個袋叫做「走佬袋」。我慢慢開始明白個名點嚟,因為當大肚婆要生嘅時候,你真係好似「走佬」咁滾水淥腳,咋咋臨執嘢走人。但係如果到時先執嘢,一定揦手唔成勢,唔記得呢樣嗰樣。到時去到醫院分分鐘連身份證都唔記得帶,到時都唔知點搞好。所以點解要執定嘢隨時「走佬」!