城門谷

城門谷係邊度?上網睇下維基百科,原來城門谷其實係香港嘅一個谷地,位於新界荃灣區東北部,上葵涌之東北,大帽山與針山之間。咁即係邊度?真係講完都唔知點樣去。其實我都係靠睇谷歌地圖先至知道係邊度。要揸車去嘅話其實都有啲複雜,如果無導航嘅話,相信一定行錯路。事關入口係山頂,仲要係單程路。不過勝在夠隔涉,所以無乜人會去!

遊樂場


個人分享
Tagged With: , , , , , , , , ,

每個小朋友都會鐘意去遊樂場玩,因為可以周圍跑。係香港屋企地方細,可以走動嘅空間亦都唔多,每逢假日家長都會帶小朋友出去玩過夠。其實而家嘅小朋友同我哋嘅年代好唔同。以前我哋會見到一到晏晝啲小朋友放學之後,屋企樓下嘅公園同空地都會有好多小朋友跑嚟跑去。但係今時今日就真係好難見到咁嘅現象。或者真係時代唔同咗,又或者因為而家啲小朋友平日要去唔同嘅興趣班所以少咗係公園玩。

跳飛機

「飛機」

跳飛機係一種細路仔嘅遊戲,只要畫個飛機形狀嘅圖,跟玩法喺上面跳就得。個圖形通常似雙翼式飛機,圖形通常有九格,而每一格有一個號碼。跳飛機最早喺羅馬帝國統治時期嘅英國出現,用嚟訓練羅馬兵。羅馬兵要著晒成套好重嘅盔甲嚟跳,練平衡、步法。之後羅馬兵嘅仔仔女女就有樣學樣,自此嚟個遊戲慢慢傳遍歐洲。跳飛機喺香港亦曾經相當流行,當時香港幾乎所有兒童遊樂場同小學操場都會有跳飛機嘅位。

去荔園

係我印象中,我應該係有去過荔園。因為前果排搵返細個啲相睇嘅時候,見到有幾張係應該係嗰度影。但係記憶好模糊,所以應該係好好好細個嘅時候。我淨係記得有隻大笨象咁大巴。當然「荔園」係香港人嘅集體回憶,所以當佢結業嘅時候好多人都唔捨得。闊別十八年之後,今年暑假會再係中環新海濱短暫重現!對於九十後嘅後生仔就真係唔知道「荔園」呢個地方。