當入樽

唔知有幾多人睇過「男兒當入樽」?應該咁講,而家仲有幾多後生仔女依然睇漫畫?我哋成長嘅年代,基本上係漫畫不離手嘅年代。當然而家可以上網睇或者用手機程式睇又得,只不過同拎住一本實實在在嘅漫畫嘅感覺係好唔同。而中學時期大部份人都會打籃球,而「男兒當入樽」就好自然成為大家追捧嘅漫畫之一。當然仲有動漫啦!記得試過一口氣由頭到尾一次過睇晒成套動畫!

魔力橋

Rummikub 魔力橋,係一種適 2至4人嘅桌上遊戲,由以色列人 Ephraim Hertzano 係1940年代設計發明,目前亦都有支援到6人一齊玩嘅遊戲版本。遊戲除咗有聯誼娛樂性質,亦經常被學界,社團或者商家用嚟舉辦益智競賽,曾獲得1980年德國年度最佳遊戲及1983年荷蘭年度最佳遊戲。由於魔力橋嘅方形牌面,遊戲湊組合的方式,以及將牌打散洗混嘅聲響動作,而有啲類似麻將,所以亦有「以色列麻將」之稱。

開島了

諗咗好耐,究竟好唔好開島呢?因為真係好多嘢做,但係一個二個都玩,最後都係決定開島。最終都係敵不過社交媒體嘅洗版。不過問題係究竟大家會玩幾耐呢?因為我玩遊戲都玩到好盡,一定要玩到冇嘢玩我先至會叫做玩完。所以一啲要長時間上網同浪費時間嘅遊戲我都好少玩。最後就快嚟快去,因為真係無咁多時間。當然希望大家唔好因為淨係疫情先至玩,不過香港就係咁,一係唔玩,一係就一窩蜂咁玩。

病毒式


個人分享
Tagged With: , , , , , , , , ,

有時真係不得不佩服一啲遊戲嘅創造者,佢哋雖然好多時都係天馬行空,不過亦都有好多係將有可能發生嘅事用遊戲方式呈現出嚟。就好似生化危機咁,因為病毒而引致全球人類面臨滅亡,成個世界都係喪屍。而唔知點解近年好似多咗類似咁嘅遊戲,都係用病毒,喪屍,生存做主題。或者今次嘅武漢肺炎係一種警示,如果有朝一日人類俾病毒打敗嘅話,最大嘅機亦都會係因為人類嘅愚蠢所致!

養青蛙

相信好多人都會討論近期一隻大熱嘅電話遊戲《青蛙旅行》,但係點解咁多人講嚟隻遊戲呢?究竟佢點解會咁紅?甚至乎報紙都有報導?其實玩法就真係好簡單,首先就係要收集啲三業草,然後就買唔同等級嘅糧食同裝備,之後就等青蛙去旅行。佢可以一去就幾日,你開隻遊戲出嚟都只係為咗收集三葉草。而唯一期待嘅就係隻青蛙寄返嚟嘅明信片!