不連任

過去四年香港真係變咗好多,由四年前嘅特首選舉開始就已經知道依家個位特首唔慌係好嘢,當然時間證明咗佢做特首有幾大鑊。老實講真係每次鑊鑊新鮮鑊鑊金,越搞越大單嘢。好啦終於捱到佢嘅任期屆滿,出年就係特首選舉,今個星期就係選委會選舉,而好多政團都以踢走梁振英為政綱,因為如果佢再做多四年香港真係無法想像會變成點!當然最近有好多疑似參選人話有機會出嚟參選,但係到嚟一刻都仲未宣佈。所以究竟邊個會係下一個香港特首真係好難估!

莫議員

今屆嘅立法會選舉真係好緊張,而當然我最關心嘅係莫乃光可唔可以連任。因為之前無啦啦多咗好多選民加入嚟個界別,而且係投票嘅前夕不斷俾人抹黑。當然自己可以做嘅嘢唔係太多,最多都係叫啲人去投票。今次唔單止係捍衛業界,而且為咗香港嘅將來。所以無論如何都唔希望失去一個咁盡責嘅議員係立法會為我哋業界同香港人發聲!