定勝負

好多時當你以為自己贏梗嘅時候就會開始放慢腳步,點知就因為咁樣輸咗。其實係唔係有少少好似龜兔賽跑呢?一日未過終點,一日你都仲係未贏,那怕只係嗰一剎那,就係咁你就輸咗。所以一定唔好咁快以為自己贏硬,又或者打定輸數,勝負其實真係一線之差,只要由頭到尾都用盡全力去應付,就算最後輸咗又點?最緊要對得住自己,任何時候都全力以赴!

跑馬仔


個人分享
Tagged With: , , , , , , , , ,

老實講我對跑馬一啲興趣都無,就連馬場都只係去過一次。當然好多香港人都對跑馬好有興趣,不過我連點買馬都唔識,莫講話睇馬。但係跑馬真係有好多野可以分析,不過當中有好多唔同嘅因素要考慮,例如天氣,場地,路程,馬嘅狀況,騎師嘅狀況,等等!所以真係仲難過買六合彩,尤其係三重彩!要三場賽事都要買中頭馬,嚟個可能性真係可以話微乎其微。所以賭馬真係同倒錢落海無分別!

或然率

其實有時我做人都會不斷係度計數,而老實講我數學真係唔叻,最叻嗰樣叫做或然率。所以我唔會賭錢,因為點計你都會輸。就算還要識可而止,要知道幾時要離場。如果咁啱你贏咗嘅話,講真真係見好就收。當然好多人會俾輸贏嚟兩個字蒙蔽咗,但係人一身就係咁,唔係輸,就係贏。所以好多嘢我都會計下數,如果計唔掂就情願離場!以免損手爛腳!

賭大細

「賭博」

通常越叻計數嘅人佢哋最弱嘅一項會係計算機率,嚟個係一個非官方嘅一個調查。而乜嘢行業係靠機率為生?未就係賭博囉!所以如果你係好叻數據同機率嘅話,基本上你知道越賭得耐嘅你就會越輸得多,事關莊家一定會贏!就好似買大細咁,圍骰基本上係通殺咁滯。而我好多時做決定都會用機率去計算下一步。

創業心

講到創業嚟個話題其實身邊好多朋友已經唔再係創業呢個階段。好多依家已經進入守業期,而除咗繼續本身嘅業務之外,大部份人都會選擇開始拓展新嘅市場。但係正因為本身業務已經相對穩定,顧慮亦會多咗,所以瞻前顧後係在所難免。隨著時間一分一秒咁過去,好多時大家都忘記咗當初點解要創業,創業個種感覺同嗰一顆創業之心。因為要再次由安全網跳入火坑,其實真係需要更多嘅勇氣。