踩單車

其實唔知大家有冇留意過我個網誌係用咗一架單車嚟到做網誌嘅標誌,點解?原因係非常簡單不過,因為其實我好鍾意踩單車。不過自從離開咗澳洲之後真係冇乜機會踩單車,而係香港踩單車我真係覺得幾危險。一來香港嘅路真係連揸車都覺得佢好爛,第二香港啲人揸車係唔會讓啲單車,第三香港可以踩單車嘅地方非常少,第四香港啲屋真係好細好難搵到位放架單車。所以真係無踩單車太多年,相信自己嘅體能應該踩得唔遠。