適可而

好多時做任何嘢都應該諗下後果,因為唔係樣樣嘢都可以返轉頭。有時有啲嘢真係要識可而止,有時玩大咗真係收唔返,過咗火就係過咗火。無論係立法會又好,香港政府又好,其實大家都應該諗下點樣先至可以令香港向前行,就算唔向前行到唔好向後行先得架。當然候任立法會議員有不當嘅行為,但係政府亦都要識可而止,唔好搵藉口破壞香港係一國兩制下,三權分立嘅制度!

互射波


個人分享
Tagged With: , , , , , , , , ,

真係堅到無朋友,朱凱廸成為新一屆嘅票王之後自身安全成為問題,而個原因其實都幾明顯就係同新界嘅地皮有關。當然咁多年朱凱廸都有一直跟進,但係依家作為候任立法會議員,真係名正言順,搞到政府基本上係避無可避。今次嘅橫洲發展事件真係好好睇,因為過去幾年通常啲司長都會夾晒口供,但係今次竟然見到大家互相卸膊。一個話無參與會議,一個話無唔係小組成員,真係花生到呢!

朱凱迪


個人分享
Tagged With: , , , , , , , ,

相信好多人都係因為最近嘅立法會選舉先至會關注或者認識朱凱迪議員。其實只要你一翻查佢嘅背景,其實佢一直都好積極參與社會運動。大家都記得十年前清拆天星碼頭同皇后碼頭嗎?當時佢就已經有參與反對政府嘅計劃,而近年包括受到高鐵影響嘅菜園村同天水圍嘅泥頭山佢都有參與同跟進。今年佢亦以獨立身份參選立法會選舉,更加成為今屆嘅票王當選!

鐘樹根

「可笑」
認真,點解「鐘樹根」可以做到立法會議員?我真係唔知,但係好似記得我嫲嫲講過佢係唔知乜乜福建嘅同鄉。好明顯有係啲「建制派」嘅所作所為。呃啲老人家再叫啲屋企人投俾同鄉。咁佢咪入到「立法會」囉!投俾佢我就真係「癡筋」。我中文水平一定唔叻,但係「樹根」個啲真係冇得頂。「子烏虛有」,「焚書坑孺」,「雞毛鴨蒜」,「明張目膽」,「出言悔辱」。。。