唔知點解越嚟越對香港陌生，究竟係啲乜嘢問題？當然每一個社會都可以容納唔同嘅聲音，但係慢慢發現有啲人嘅思想同言論真係無辦法去理解。執法人員竟然知法犯法，但係佢哋竟然係受害者，需要幫忙？我有無聽錯？會唔會因為佢哋濫用私刑，所以導致今日嘅結果？今次有可能係咁啱俾人影到，但係現實又有幾多係大眾睇唔到？咁警察同黑社會有啲乜嘢分別？

今日睇到一條片見到成班人為咗捉一隻寵物精靈好似癲咗咁，因為個個揸住部手機對著隻精靈，希望可以捉到佢！其實而家晚晚都有好多人去某啲補給熱點去捉精靈。不過嚟個現象會維持到幾耐呢？其實而家隻遊戲已經出咗一排，究竟有無人已經捉晒呢？其實係網上面見到好多外掛程式，唔駛出街就可以捉到。當然俾人捉到就會封咗個帳號啦！所以搏唔搏就睇你自己啦！

「臥底」

唔知係唔係最近大台有播嗰套電視劇，睇到某啲新聞竟然諗起臥底呢樣嘢。因為做臥底不能黑定白，真係要一步一步咁滲入去個機制同組織入面。而嚟種滲透式嘅方法所需要嘅時間好長，唔係一時三刻就可以做到。做戲都有得做啦，三年又三年，三年又三年。只不過如果真係發生係現實社會嘅話，咁你會點？會唔會覺得好安全？其實或者現實真係發生緊！

「搵食」

每年農曆新年，香港好多地方都會出現新年式嘅夜市，香港人食街邊檔嘅集體回憶一般都只會係農曆新年先至會見體驗到。同時好多嚟啲街邊檔真係只會係嚟幾日先至會做生意，簡稱每年開三日咁大把。其實大家都只係想開開心心過年，而當然有啲人只係想趁新年出嚟搵少少錢。講到尾，街邊檔係香港嘅文化，而政府繼續摧毀香港嘅本土特色。

「退任」

相信好多香港人都唔會唔記得呢位剛退任嘅前一哥曾偉雄。當然記得嘅唔係咩嘢好嘢，而係佢在任嘅時候嘅種種歪理。不過就算佢卸任又點？警隊嘅形象一落千丈。對於好多仲未解決嘅案件到嚟刻仍然仲未有一個公平嘅裁決。真係留低一大筆蘇州屎俾新一哥去處理！當然佢卸任之後就真係話之你啦，都唔關佢事喇嘛，以後鬧就鬧新上任嗰個！