十九個


個人分享
Tagged With: , , , , , , , , ,

之前郭大少一直都坐唔定食嘢,但係今個月有明顯嘅進步,最起碼佢鍾意食嘅嘢都會自己主動攞嚟食。依家晏晝大部份時間都可以自己坐定定咁食晒大部份嘅嘢先至會扭落地,而且食嘢明顯食多咗,所以體重亦都重咗好多。有時單手抱佢真係唔抱得耐!最好笑嘅係佢睇落唔係好肥,但係佢有個大肚腩真係好搞笑。又唔怪得佢,因為有時佢真係食好多嘢,分分鐘仲多過我!

十六個


個人分享
Tagged With: , , , , , , , , ,

小朋友真係打得好鬼快,唔覺唔覺又一個月,唔覺唔覺就十六個月大。郭大少越嚟越有自己嘅主見,佢所有嘢都好清晰咁話俾我哋知佢要啲乜。只不過佢仲未識得講嘢,所以有時我哋唔知佢講乜嘅時候,佢會好忟憎我哋唔知佢要乜。今個月佢又成長咗唔少,不過就病咗成個星期,真係擔心死我哋。而今個月開始多咗幼稚園面試,雖然仲未係我哋心儀嘅幼稚園,相信到時我哋會仲緊張。

口難言

我真係一個超級唔識講嘢嘅人,好多時真係直腸直肚,講多錯多。有時又口快快,其實本來件事可以唔出聲吞咗佢當無事發生。但係好多時就係無好好控制自己嘅情緒,就係咁經常講錯嘢。所以就慢慢覺得唔講好過講,而好多嘢都自己食咗佢就算。所以其實唔係好多人真係了解我嘅內心諗法。但係當一講到做嘢,我嘅專業,就真係判若兩個人。