歸屬感


個人分享
Tagged With: , , , , , , , , ,

小朋友最大嘅心理渴望就係同父母連接嘅歸屬感!而呢樣嘢係超越咗所有事物嘅渴望!咁小朋友係透過啲乜嘢方式同父母連接嘅呢?其實好簡單,就係佢哋想做父母所做嘅事。如果一家人一齊做嘅話,小朋友就會覺得佢哋係同父母一齊,而呢樣就係佢哋所需要嘅歸屬感。小朋友難以忍受嘅係父母其中一方否定另一方,那好似自己嘅一半否定另一半一樣,結果造成小朋友心理上嘅分裂。

中國化


個人分享
Tagged With: , , , , , , , , ,

雖然香港已經回歸咗咁多年,如果你話冇變過就真係呃你嘅!所謂五十年不變,真係有啲呃細路仔嘅感覺!而香港人大部份都好現實,只要有錢搵,唔好影響自己嘅生活就冇問題。如果經濟差嘅話,就係度怨天尤人,之後就話要搵阿爺幫手。而過去咁多年好多人其實淨係搵緊中國錢,但係就忽略咗同犧牲咗好多香港原本嘅特色。咁仲唔係中國化?有時諗返自己係中國做嘢嗰幾年,適應咗當地生活都覺得自己被同化咗!

口難言

我真係一個超級唔識講嘢嘅人,好多時真係直腸直肚,講多錯多。有時又口快快,其實本來件事可以唔出聲吞咗佢當無事發生。但係好多時就係無好好控制自己嘅情緒,就係咁經常講錯嘢。所以就慢慢覺得唔講好過講,而好多嘢都自己食咗佢就算。所以其實唔係好多人真係了解我嘅內心諗法。但係當一講到做嘢,我嘅專業,就真係判若兩個人。

李光耀

「尊重」

試問現時邊個政治人物可以好似李光耀咁,得到一整個國家嘅人民嘅尊重!好多名人過身嘅時候都未必可以好似李光耀咁得到絕大部份嘅人民懷念佢同多謝佢為國家所付出嘅一切。需然我對佢嘅認識唔多,但係見到咁多新加坡人去悼念佢,可想而知佢對新加坡嘅影響有幾大!

港身份


個人分享
Tagged With: , , , , , , , , ,

「又調」

唔好又俾我見到嚟啲調查啦。。。真係見一鑊鬧一鑊。今次到香港中文大學傳播與民意調查中心做咗一個電話調查,探討香港人嘅自我身份及國家認同。又係話用隨機抽樣的方式,訪問咗 810 名 18 歲或以上能操粵語的香港市民。。。點先算「能操粵語」?先唔講個 Confidence Level 同 Sample Error,個回應率為得 35% 其實都幾低。非常無效率。。。