去西九


個人分享
Tagged With: , , , , , , , , ,

相信好多人都已經悶咗好耐,都想出去透透氣。早幾個星期同兩個小朋友去西九藝術公園都無咁多人,今日再去真係可以用人多擠迫去形容。當然因為改建好之後真係幾靚,而且配套唔錯,因為有餐廳啦,廁所又相對乾淨,同環境好空曠,一家大細去真係唔錯。小朋友又可以放心咁玩同踩單車,如果係市區嚟講真係幾方便。不過今日真係好多人,下次都係平日先去放風,人少啲,舒服啲!

畢加索


個人分享
Tagged With: , , , , , , , , ,

最近香港有畢加索嘅展覽,相信大概一定唔會唔識嚟為藝術家!就算唔識佢都應該一定有聽過佢個名!畢卡索係西班牙著名畫家、雕塑家、版畫家、陶藝家、舞台設計師及作家,佢同布拉克都係同為立體主義的創始者,被視為二十世紀現代藝術嘅主要代表人物之一,遺作逾兩萬件。畢卡索亦都係少數係生前「名利雙收」嘅畫家之一。希望有時間去睇畢加索嘅真跡啦,因為真係機會難逢!

偽藝術


個人分享
Tagged With: , , , , , , , , ,

其實藝術係啲乜嘢?我相信好多人都未必會答得出。但係好多時啲人都會同你講佢哋所謂嘅藝術。其實究竟佢哋識唔識同明唔明藝術係其次,因為大部份人其實係用佢哋自己嘅眼光去鑑賞藝術。好與唔好其實好多人都唔識分!因為佢哋真係從來無進修過藝術。當然藝術係嚟樣嘢係好廣泛,但係一般人都會用自己嘅感官去先入為主而忽略佢背後嘅意義。

做設計


個人分享
Tagged With: , , , , , , , , ,

有時我會懷念以前拎起支畫筆畫畫嘅高中生涯,因為真係好開心。而當然最開心係有人會欣賞你畫嘅畫。所以好多人其實都無諗過以前係做過設計,因為我而家做數據分析,都可以話完全離行離列,九唔搭八。但係做個設計嘅話,或者視自己係一個藝術家嘅話都會明白設計師嘅執著同頑固。所以當我而家同佢哋溝通嘅時候都會用返做設計嘅心態同角度。

做決定


個人分享, 創業辛酸
Tagged With: , , , , , ,

創業係一種藝術,所以唔同人有唔同嘅睇法同做法。每個決定都會改變公司嘅發展,而好多時都會影響深遠。我個人認為呢個世界有兩種鍊成術,就好似「頭文字 D」入面嘅兩位車手。一個係以非正式訓練方法鍊成,而另一種係以正規訓練方法鍊成。當然各有各好處,就好似學功夫咁,有唔同嘅拳法。但係我相信要識得放手先係最難。就好似啲人賭錢咁,越踩越深!