無反機

其實好多年前我已經開始用無反機,原因好簡單,因為部機細而且可以做到大機嘅功能。當然以前嘅無反機仲未有全片幅,所以仲未好普及。當然相機嘅鏡頭亦都係另外一個考慮嘅因素。不過講真如果去旅行就真係好方便,因為唔想用嗰啲卡片機,而帶啲大機又好鬼重。所以買咗第一部大機之後就已經轉咗用細機。不過而家啲無反機真係越嚟越勁,基本上已經超越傳統大機!

談影相

「器材」

現今嘅科技,個個都可以擁有一部專業相機。但係有幾多人會認真去思考每一下快門背後所記錄嘅一刻到底嘅意義?當然好多人唔會,原因係今日大家可以無限地㩒個快門,而相片再無雖要攞去晒相舖沖晒菲林。所以依家影相實在太容易。再加上後期製作,就算張相影得唔好都可以執返靚佢。另外器材貴唔代表張相會靚,器材平又未必差,所以何必要太在乎器材嘅價值呢?