二十年

其實點解香港每年都要慶祝回歸?慶祝咗二十年點解仲要慶祝?要香港人記得同面對香港已經回歸中國嚟個事實?定係要年輕一代記住香港永遠都係中國?點解係五十年不變,唔係二十五年或者一百年不變?點都好,香港曾經係英國嘅殖民地嚟個係事實,香港係中國嘅其中一個城市亦都係事實。無人可以推翻歷史,只不過真係有必要每年都要慶祝回歸嗎?究竟要慶祝幾多年先至夠呢?

脫歐了


個人分享
Tagged With: , , , , , , , , ,

「歐盟」

歐洲聯盟,簡稱歐盟,係根據一九九三年生效嘅《馬斯特里赫特條約》所建立嘅政治經濟聯盟!依家有二十八個個成員國。規範歐盟嘅條約經過多次嘅修訂,目前歐盟嘅運作方式係依照《里斯本條約》。政治上所有成員國均為民主國家,經濟上為世界上第一大經濟實體。而英國首相卡梅倫係二零一五年承諾一旦勝出大選,就會推動一次脫歐公投,由英國人決定去留問題。

中國化


個人分享
Tagged With: , , , , , , , , ,

雖然香港已經回歸咗咁多年,如果你話冇變過就真係呃你嘅!所謂五十年不變,真係有啲呃細路仔嘅感覺!而香港人大部份都好現實,只要有錢搵,唔好影響自己嘅生活就冇問題。如果經濟差嘅話,就係度怨天尤人,之後就話要搵阿爺幫手。而過去咁多年好多人其實淨係搵緊中國錢,但係就忽略咗同犧牲咗好多香港原本嘅特色。咁仲唔係中國化?有時諗返自己係中國做嘢嗰幾年,適應咗當地生活都覺得自己被同化咗!

港聲明

「聲明」

「中英聯合聲明」係指『中國』同『英國』就「香港」嘅問題作出一份共同發表嘅聲明。係 1984年12月19日由中國國務院總理「趙紫陽」與英國首相「戴卓爾夫人」係中國北京簽訂,當時中國最高領導人「鄧小平」和中國國家主席「李先念」等都有係現場見證。兩國政府係 1985年5月27日互相交換批准書,並且向聯合國秘書處登記,《中英聯合聲明》正式生效,象徵歷時 13年半嘅香港過渡時期嘅開始。