團年啦

話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。

大除夕


個人分享
Tagged With: , , , , , , , , ,

「除夕」

今日個個都好似打仗咁,好多地方都好多人,好明顯個個作最後衝刺辦年貨。當然亦都包括我在內!雖然間屋搬咗入去差唔多一個月,但係間屋都仲未執好。晏晝去咗超級市場買地新年要煮嘅嘢,如果唔係之後幾日都未必有嘢買!之後就去多次睇下買唔買到件新年衫俾郭大少,好彩最後都搵到件啱佢嘅新年衫。話晒都係第一年過年,梗係要打扮下架啦!