朱凱迪


個人分享
Tagged With: , , , , , , , ,

相信好多人都係因為最近嘅立法會選舉先至會關注或者認識朱凱迪議員。其實只要你一翻查佢嘅背景,其實佢一直都好積極參與社會運動。大家都記得十年前清拆天星碼頭同皇后碼頭嗎?當時佢就已經有參與反對政府嘅計劃,而近年包括受到高鐵影響嘅菜園村同天水圍嘅泥頭山佢都有參與同跟進。今年佢亦以獨立身份參選立法會選舉,更加成為今屆嘅票王當選!

被失蹤

「真相」

經過咗咁多個月,終於有人夠膽出嚟講返個真相出嚟!重點係我哋係一個言論自由嘅城市,竟然連講返個真相出嚟都要思前想後,擔驚受怕。咁香港真係一個自由嘅社會嗎?口口聲聲話一國兩制,嚴正遵守基本法,高度自治,等等嘅漂亮說話,其實到最後所謂嘅五十年不變就因為今次嘅失蹤事件不攻而破。而今次嘅事件再一次嚴重打擊香港人對中國政府嘅信任!

真去過

「中國」

如果你問我,好多時睇返歷史,其實中國真係幾勁!好多時你都咪話唔俾個服字!例如中國四大發明(造紙術,指南針,火藥,雕版印刷術),鄭和下西洋有二百四十幾艘船同二萬七千四百名船員嘅龐大船隊遠航,比起依家啲軍隊仲要勁。但係就係往往固步自封,所以比好多發達國家落後。雖然近年強國掘起,只不過仍然係一個封閉嘅社會!

八九年

「選擇」

當然每一代嘅人都可以選擇佢哋嘅將來,但係咁唔代表佢哋可以否定歷史。用乜嘢方法去悼念甚至平反歷史我諗每個人都有佢哋嘅選擇。只不過如果時下嘅年輕人覺得二十七年前所發生嘅事對佢哋意義不大,咁其實係唔係代表依家香港嘅社會問題甚至佢哋嘅將來都對佢哋嚟講意義不大?無意義唔代表可以置身事外,如果係咁,民主同自由都對佢哋嚟講意義不大?

換頭像

每個人嘅價值觀都有唔同!乜嘢叫做廉價表態,乜表態有分貴定平?我真係唔知,因為對我嚟講表態係對一啲事同物嘅睇法。咁點為之廉價?我出文章係記錄自己今日嘅念法,對我嚟講係無價!正所謂不喜勿入,你可以選擇去睇同唔睇。有時大家都只係想多啲人知道同關注事件,可必要用價值去評論事件呢?希望大家唔好只係為咗自己嘅睇法唔同而去否定別人嘅價值觀!事關大家都係嚟個社會嘅人,大家都係平等!