我是誰


個人分享
Tagged With: , , , , , , , , ,

有時真係喺度諗,究竟自己係人哋嘅眼中係個乜嘢嘅人。熟悉我嘅朋友都知道我好少會理人哋點睇自己,亦都好少理人哋嘅眼光。當然唔係指我獨行獨斷,而係有時何必要作比較?每個人都有自己嘅唔同,無論係背景定係生活態度,所以無必要去比較亦都無必要去理其他人嘅眼光。只會比較嘅人其實真係太過表面同太過膚淺。話雖如此,有時都好奇人哋嘅睇法。

難服侍


個人分享
Tagged With: , , , , , , , , ,

做乜嘢都好,其實間唔中都會遇到一啲難服侍嘅人。當然嫌三嫌四就不在話下,有時真係吃力不討好。最慘嘅係都唔知啲人乜嘢心態,真係以為俾少少錢就大晒,咁其實同啲暴發戶有乜嘢分別?好多時淨係講客戶嘅權利,咁做生意嘅就無權利?而家真係郁啲就話要投訴,投訴唔得就擺上網。不過大家係唔係都要將心比己呢?如果有一日你俾人擺咗上網公審,你又會點呢?

口難言

我真係一個超級唔識講嘢嘅人,好多時真係直腸直肚,講多錯多。有時又口快快,其實本來件事可以唔出聲吞咗佢當無事發生。但係好多時就係無好好控制自己嘅情緒,就係咁經常講錯嘢。所以就慢慢覺得唔講好過講,而好多嘢都自己食咗佢就算。所以其實唔係好多人真係了解我嘅內心諗法。但係當一講到做嘢,我嘅專業,就真係判若兩個人。