放得下


個人分享
Tagged With: , , , , , , , , ,

人一生最重要嘅一樣嘢就係要學識點樣放得低,因為人出世嘅時候係乜都無,離開嘅時候亦都係乜都無。當然人天生係執著,要經歷唔同嘅磨練先至會學會放低。而如果要放低以下十樣嘢嘅話,你又會放得低幾多?當中包括:抱怨,過去,煩惱,自我,脾氣,懶惰,消極,妒忌,猶豫同貪念。人生要活得輕鬆自在唔係一件易事。學識逐一放低其實先至會活得開心。

攞嚟賤

好多人話創業,做老闆係希望可以舒服啲,唔係再睇人面色,可以自己話晒事。不過當自己真係開一間公司嘅時候,你就會發現事實並非如此。其實你同一個打雜係無分別,樣樣嘢開頭都要做。平時返工都仲可以話有得收工,返到屋企乜都可以唔使諗,因為打份工咋嘛。當然要上位就另計啦,不過自己做老闆就預咗無收工嚟樣嘢,甚至唔好話放假去旅行。因為好多時手停口停!