要細心

好多時做嘢係要膽大心細,做生意嘅更加要面皮厚。有時做決定係需要當機立斷,但係好多時都會驚做錯決定,不過如果唔做決定嘅話,或者會錯過咗某啲時機。所以決定咗就唔好諗返轉頭,因為通常你都會發覺自己忽略咗好多細節。不過經一事長一智,慢慢就會變得更加細心,去留意細節。話雖如此,好多時仍然粗心大意,真係要慢慢嚟,唔好急!