奧運會


個人分享
Tagged With: , , , , , , , , ,

四年一次嘅奧運會,原本係今年七月二十四日係日本東京舉行。當然係武漢肺炎嘅影響之下,大部分國家都已經開始封城封國,咁就算堅持去搞都無用。點解好多國家都想舉辦奧運?當然最大嘅目的就係推動當地經濟,如果唔係投放咁多資源去搞奧運為啲乜?不過係咁多年嚟,除咗因為世界大戰奧運要取消之外,或者今年嘅奧運會將會係另一次。相信就算唔取消都應該會延期!

第二波


個人分享
Tagged With: , , , , , , , , ,

疫情開始嘅時候,好多人都好驚,所以一個二諗住飛去第二度避開疫情。咁啱疫情爆發嘅時候正正係農曆新年,而大部份嘅學校都放緊假,之後亦都要停課,所以好多人都諗住等香港疫情好返啲先返嚟。誰不知今次嘅疫情開始蔓延到其他國家,亦都大爆發,好多國家開始封城封國。再加上防疫意識極之薄弱,所以個個都急急腳咁返香港,因為最起碼香港除咗缺口罩之外,其他防疫物資到尚算可以。

下一步

下一步大家會做啲乜?當然坐係度乜都唔做,淨係希望個市會好返,其實真係同等死無分別。就算疫情有所紓緩,但係可唔可以回覆返幾年前咁,其實都真係一件好難嘅事。上年年底已經諗住過完年重新佈陣,事前都已經準備同安排咗好多嘢,但係依家就算傾緊嘅項目同工作都無辦法繼續。雖然唔係第一次打逆境,但係環境唔同咗,今次難度亦都比較大。唔死就已經贏咗!

台防疫

或者大家無留意,今日有幾位朋友都分享咗一篇早前日本媒體刊出一篇報導「38歲 IQ180 的台灣天才大臣」引起全世界的關注。內文提到,唐鳳透過自己的資訊科技嘅專業開發口罩地圖,做出鑽石公主號旅客路線圖,等讓民眾可以知道鑽石公主號嘅遊客曾經到過嘅地點。與此同時,佢對假訊息嘅快速回應,係今次台灣防疫嘅一個關鍵角色。邊個話資訊科技無用?仲要次次裁員先裁佢哋!

搶購潮


個人分享
Tagged With: , , , , , , , , ,

如果你以為淨係香港人先至會搶物資嘅話,咁就真係大錯特錯了!近日基本上都有海外嘅朋友話超級市場啲嘢俾人買晒,尤其係廁紙。唔知以為自己睇緊喪屍片,啲人係咁瘋狂買,就咁睇啲相,佢哋搶嘢嘅程度遠遠超過香港。不過真係唔明點解係廁紙呢?柴米油鹽我都或者明,但係廁紙就諗極都唔明。不過最起碼而家香港淨係得口罩依然短缺,希望疫情快啲過啦