零個案


個人分享
Tagged With: , , , , , , , , ,

香港由農曆新年之前就已經開始對武漢肺炎有所警惕,全因為當年沙士嘅慘痛經歷。當全球仍然當隻肺炎係流感嘅時候,我哋香港人已經周圍搵口罩,準備最壞嘅情況。除咗香港政府嘅後知後覺,實施一堆濟後嘅措施導致香港出現第一波同第二波嘅海外輸入之外,老實講香港嘅感染個案應該會更早出現零個案。所以我哋應該為香港人自豪,政府就算把啦!

實驗室

今時今日最厲害嘅武器唔係啲乜嘢科技,而係人類。點解人類係最危險?因為人類以為可以利用科技去改變人類。當然有好多嘅研究都係好嘅方面,只不過係過程中往往都會有失敗嘅可能,將本來一件好事變成一件壞事。最可怕嘅就當然係失敗嘅過程中發現院內可以將佢變成武器,尤其研究病毒。就好似遊戲生化危機咁,不論貪念定係意外,就好似武漢肺炎究竟係唔係研究而製造出嚟嘅病毒?

自己救

好多人都會為生活而擔憂,因為今次疫情嘅影響比起過往咁多次嘅逆境更加嚴重。好多人都開始變陣,因為如果再唔諗辦法嘅話,真係唔知可以捱到幾耐。其實好多嘢都係要迫出嚟,唔試過又點知呢?真係乜嘢都要試,乜嘢都要做,唔好淨係企係度。咁嘅情況下真係要搵多啲人傾計,話唔定有啲新嘢創造到出嚟!

戴口罩


個人分享
Tagged With: , , , , , , , , ,

點解個個要戴口罩?原因其實好簡單,就係希望唔好傳染其他人同希望唔好俾人傳染。尤其隻肺炎可以係潛伏期都可以傳染俾人,真係同無形殺手一樣,你根本唔知身邊有冇帶菌者。因為佢哋完全無徵狀,就算有亦因為太似流感,所以而家你有感冒嘅症狀都應該去檢查下,因為自己中咗都唔知。而到現時為止仲未有疫苗可以保障大家,唯一可以杜絕傳播就係盡量唔好出街接觸任何人!就算真係要出去,唔該戴返口罩呀!唔該!

不愚人

每年嘅四月一號係愚人節(April Fools’ Day),佢嘅起源係嚟自歐美地區。當日大家會用各種招數整蠱人,反應慢嘅人就當然俾人整蠱啦,最後都係要俾人提醒先至記得今日係愚人節。而近年因為社交媒體嘅興起,所以好多品牌都會係今日出一啲整蠱嘅文章。不過有時有啲嘢真係唔應該攞嚟玩嘅,尤其而家咁疫情嘅情況下。真係唔怕個世界再混亂啲咩?