大跌市

今次嘅武漢肺炎已經唔再只係影響亞洲市場,而今次嘅影響應該只係啱啱開始。就算個股市已經連日大跌,但係只係將之前嘅泡沫蒸發緊,而實質上都未真係入到肉。當然跌到幾時真係無人知,但係一定未見底。依家只可以做嘅就係準備最差嘅情況,而且準備好當個市場開始會覆正常嘅時候再重新出發。人生真係可以遇到幾多次逆境?過去二十年都已經係第三次了!

創新高

大部份嘅香港人或多或少都有買過股票,就算無嘅話,你嘅強積金其實都會同股票市場掛鈎。當然好多人發達都係靠買賣股票,亦有好多人因為買賣股票而破產。香港經過好幾次嘅股災,所以好多人都經一事長一智,依家投資會好小心。不過近日個股市屢創新高,好多人仍然覺得個股市仲有排升,只不過睇返數據嘅話,其實真係好危險,雖然未必大跌市但係小心為妙。

熔斷了

對於有買開股票嘅朋友,一定對過去一星期兩次「熔斷機制」有唔同睇法。其實係而家嘅環球環境,投資股票真係要好小心。但係中國證監會竟然覺得「熔斷機制」係可以保障股票市場嘅穩定性,但係開市十五分鐘就已經搞到停市,問題係邊?當然就係投資者嘅心態。如果你知道隨時個股市會因為「熔斷機制」而停市嘅話,比著我都會係停市前出貨走人先啦。所以個機制根本無將人嘅心理考慮在內。