轉職業


個人分享
Tagged With: , , , , , , , , ,

細個嘅時候,相信好多人都會有一份功課就係要寫「我的志願」。一般大家都會寫自己大個咗之後想做啲乜嘢工作,而當時我如果無記錯嘅話,我應該係寫我想做消防員。唔好問我點解,因為我自己都唔知!或者係因為每日返學搭校車到會經過消防局嘅原因,不過真係唔記得。而到咗中學嘅時候,我希望成為一位建築師,但係當聽到要讀四年半嘅大學再加上好多時都要通宵做功課嘅時候,我再一次諗我出嚟應該做乜!

有幾老


個人分享
Tagged With: , , , , , , , , ,

真係唔經唔覺自己嘅網齡已經超過二十年,真係無諗過一個嗜好變成自己嘅職業。過去二十幾年網絡真係陪伴我左右,仲記得二十年前自己突然想學寫網頁,所以就慢慢係網上面學,嗰陣時嘅網站真係好簡單,因為得字同圖。而且速度真係慢到無人有,但係邊樹有人估到二十幾年後嘅今日科技會發展得咁快。而家自己諗返都覺得自己好鬼老,依家啲後生仔已經習慣有網絡嘅日子,同佢哋講舊時真係唔認老都唔得!

新行業


個人分享
Tagged With: , , , , , , , , ,

老實講不經不覺自己已經係數據分析嚟個行業已經七八年,講真我都無諗過自己會咁專注係一個行業入面咁多年。好多人都會同我講係香港做數據分析係好難做,因為大家都好短視,而且無人重視數據。就算有都只係因為要交功課。但係就係因為難做先至做。如果取易捨難嘅話,其實自己真係可以輕鬆好多。何必要咁辛苦去教育市場,希望大家重視數據而將嚟個行業係香港發揚光大?

籃球迷

「籃球」

相信好多香港人除咗係足球迷之外,佢哋應該都會係一個籃球迷。如果講到職業籃球嘅話當然大家最關注嘅就係「美國職業籃球聯賽」,一般嘅賽季都會係每年十一月嘅第一個星期嘅星期二開始,分為常規賽同季後賽兩部分。而常規賽係以循環賽制進行,每支球隊都要完成八十二場比賽。每個聯盟嘅前八名,包括各個組別嘅冠軍,將有資格進入接下來進行嘅季後賽。季後賽採用七戰四勝賽制,分四輪!季後賽嘅最後一場總決賽由兩個聯盟嘅冠軍爭奪最高榮譽!

做設計


個人分享
Tagged With: , , , , , , , , ,

「懷念」

有時我會懷念以前拎起支畫筆畫畫嘅高中生涯,因為真係好開心。而當然最開心係有人會欣賞你畫嘅畫。所以好多人其實都無諗過以前係做過設計,因為我而家做數據分析,都可以話完全離行離列,九唔搭八。但係做個設計嘅話,或者視自己係一個藝術家嘅話都會明白設計師嘅執著同頑固。所以當我而家同佢哋溝通嘅時候都會用返做設計嘅心態同角度。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。