「對話」

唔知你今晚有無睇「學聯」同政府嘅對話？其實我覺得似辯論多啲，而且一面倒嘅局面。雖然話五個對五個再加一個裁判，事實係五個學生對一個高官，佢就係 Carrie Lam 「林鄭月娥」。講咗兩粒鐘再加記招，其實又係講同一樣嘢，兜圈再兜圈，毫無建設。咁下一步係點？我想講嘅係，政府仲未知個社會嘅訴求係啲乜。阿 Carrie 繼續自欺欺人講一啲我哋唔明嘅嘢，又不斷玩數據？香港啲民意調查真係 n=100，咪玩啦！

「思維」

好多上一代嘅香港人都抱怨新世代，話佢哋點點點，當然批評多過讚啦。其實有時我都會係咁諗，不過會唔會係我哋冇去認真去了解佢哋呢？今次嘅運動好自然咁將矛頭都指向嚟班新世代。事實上係大家批評之前可唔可以諗諗同做少少功課呢？去了解佢哋我選擇返大學教書同親自去了解每一次運動。

「對錯」

因為近期嚟個話題太多人討論，所以講吓自己睇法。其實學生罷課唔同人有唔同睇法。不過乜嘢係啱，乜嘢係錯先？只不過觀點唔同，立場唔同。所以你點睇件事我唔會太在意。因為你有你嘅諗法，我有我睇法。唔通「六四」啲學生又有錯？