龍神丸

「機會嚟喇!飛雲!」相信好多人都聽過又或者係網上面見過嚟一句對白,但係有幾多人知道佢嘅出處?其實嚟句對白係嚟自一套日本動漫《魔神英雄傳》,一套曾經係我哋八十後嘅童年回憶。而好多人都會用嚟句對白去形容一啲難得嘅機會,要當機立斷,機不可失,好好把握,唔好錯失大好時機。其實每一集最尾嘅時候由飛雲嘅「龍神丸」講嚟句對白!

三歲了

眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!

兩歲半


個人分享
Tagged With: , , , , , , , , ,

唔經唔覺由港島東搬咗嚟新界西兩年,當初都係希望郭大少有多啲地方走動同空氣會好啲。雖然從來未住過九龍同新界,而家就慢慢習慣咗。不過又開始諗郭大少讀書嘅嘢,所以又係時候諗下係唔係要搬去第二度。今時今日係香港讀書真係慘,但係無辦法個遊戲規則就係咁,如果政府同學校一日都唔改,最後唔係辛苦我哋嘅下一代,而係連父母都辛苦埋一份!

廿七個


個人分享
Tagged With: , , , , , , , , ,

話咁快又一個月,點解好似啱啱琴日先至寫完回顧今日又寫?或者每日同郭大少返學放學嘅日子就係咁,唔覺唔覺又一日,感覺今個月過得仲快咗。有時見到佢啲古靈精怪嘅樣就會諗起自己細個,真係好似唔似,不過就真係好搞笑。而家成日當自己好大個,樣樣都想自己嚟,但係做唔到又發自己脾氣,真係俾佢激鬼死。老實講,郭大少可唔可以大得慢少少呢?

買唔到


個人分享
Tagged With: , , , , , , , , ,

係嚟個世界上有好多嘢係用錢買都買唔到!就好似時間咁樣,一分一秒咁樣過,無得返轉頭。當然好多人都會話要善用時間,想每分每秒都用得其所,因為人生話長唔長,話短唔短,應該用最短嘅時間做最多嘅嘢。以前或者想一日有四十八小時,因為啲嘢做極都做唔完。但係人大咗,而家就希望時間唔好過得咁快,因為唔想郭大少大得咁快。但係點都好時間係買唔到。