專業化


個人分享
Tagged With: , , , , , , , , ,

其實每個人係工作生涯入面都會遇到類似嘅問題,究竟係專業化定係廣泛化好?專業化即係指你對自己嘅行業嘅知識與技能深化到一個專業嘅水平,就好似醫生或者律師。而廣泛化其實係指你身懷百般武藝,樣樣都識啲只不過唔會將佢專業化,咁係唔同環境嘅情況下都可以變通走位。無論你係邊一類人,其實各有各嘅好處同壞處。而係香港有時真係比較難去專業化!

向錢看


個人分享
Tagged With: , , , , , , , , ,

好多時都會聽到有人批評時下嘅年輕人,而其實每個年代都會遇到同樣嘅情況。不過新一代真係睇錢睇得比較重,嚟個問題其實嚟自而家嘅社會環境。如果你問大部份嘅年輕人要自己出嚟租層樓住嘅話,我相信好多都會同你講無可能。就算租間套房都起碼要六七千蚊啦,而人工一般都係萬幾蚊個月。再加上向上游嘅機會少,又無前途,又無錢財,咁好自然睇錢做人啦。

啱你嗎


個人分享
Tagged With: , , , , , , , , ,

好多人打工係為咗生活,但係你而家嘅工作真係最適合你嗎?好多人或者會問乜嘢叫做適合自己,其實無他嘅,簡單嚟講就係你每一日係開開心心咁返工同放工!係現今嘅社會,要真係做到自己鍾意做嘅嘢,其實真係唔係一件易事。原因係每個人都有唔同嘅生活壓力,好多時就算知道份工唔啱自己,為咗生活通常都會有取捨。你而家嘅工作適唔適合自己?

做博客


個人分享
Tagged With: , , , , , , , , ,

而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。

你可以


個人分享
Tagged With: , , , , , , , , ,

早前睇到一位朋友分寫咗一篇文章,睇完之後有點當頭棒喝嘅感覺。我哋係嚟個城市,嚟個世代生存,每個人都好努力咁為生活而奔跑。當然世界會變,而好多時亦都因為大家成長嘅年代唔同,亦都經常以一副我食鹽多過你食米嘅態度,慢慢覺得一代不如一代。但係我哋曾幾何時亦都俾上一代給予同樣嘅批評?只係時代唔同咗,與其抱怨社會只會越嚟越差,但係點解又唔諗下點樣令佢變好呢?