雙十一


個人分享
Tagged With: , , , , , , , , ,

每年到咗十一月十一日,俗稱雙十一嘅光棍節,變成大家瘋狂係網上面買嘢嘅日子。只不過大家有無諗過瘋狂嘅消費嘅背後,究竟我哋浪費緊幾多地球嘅資源?一件好細嘅貨件就已經要用好多資源去包裝,再加上運輸過程所用嘅資源等等,其實整個雙十一對環境所造成嘅破壞係無法用經濟效益嚟衡量。當然好多人都只係會諗買平嘢,而好多時忽略咗對我哋嘅環境有幾多影響。

颱風後


個人分享
Tagged With: , , , , , , , , ,

真係無諗過個天鴿咁犀利,佢嘅破壞力真係驚人。當然最變態嘅就係浸咗杏花村一個地下停車場,入面啲車真係可以全部報銷。香港雖然逃過一劫,但係澳門就無咁好彩,唔單止水浸,仲造成人命傷亡。最驚訝嘅係一座豪宅嘅玻璃窗竟然吹爆晒,認真誇張!希望佢哋可以快啲回覆正常!所以真係唔好低估大自然嘅威力,亦唔好盼望打風可以放假!

打大風

今次強颱風天鴿嘅威力真係好驚人,無諗過可以係咁短嘅時間可以增強得咁快。雖然天文台已經預計天鴿會帶嚟風暴潮,同時亦因為漲潮嘅關係,一啲低窪地區預料會有水浸嘅情況,不過都無用,因為潮水嘅高度更係自一九六二年超強颱風溫黛以來嘅最高紀錄。如果大家有睇返數據嘅話,天鴿嘅中心風力仲勁過對上韋森特嗰次。香港真係好好彩無受到正面吹襲。

九寨溝


個人分享
Tagged With: , , , , , , , , ,

九寨溝位於青藏高原東南面嘅尕爾納山峰北麓,主要由岷山山脈中呈丫字形分布嘅日則溝,則查窪溝,樹正溝三條溝谷所構成。海拔係二千米至三千一百零六米之間,屬世界高寒喀斯特地貌。總面積大約六百二十平方公里,大概有百分之五十二嘅面積係俾原始森林所覆蓋!期間夾生箭竹同各種奇花異草,亦都有好多唔同種類嘅野生動物係森林入面棲息,例如大熊貓,金絲猴,白唇鹿等等。

氣候變


個人分享
Tagged With: , , , , , , , , ,

嚟兩日睇到關於能源同地球暖化嘅影片,其實過去咁多年大家都不斷聽到地球暖化,人類不斷消耗地球嘅資源,不斷破壞自然生態,等等嘅訊息。而當然好多人都不以為意究竟我哋生活緊嘅地球係過去咁多年有啲乜嘢嘅轉變,而更加有好多人質疑甚至否定地球暖化嚟個理論。不論佢哋嘅出發點係啲乜嘢,我哋亦都唔可以否定近年嘅極端天氣,以及人類對大自然嘅傷害。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。