我是誰


個人分享
Tagged With: , , , , , , , , ,

有時真係喺度諗,究竟自己係人哋嘅眼中係個乜嘢嘅人。熟悉我嘅朋友都知道我好少會理人哋點睇自己,亦都好少理人哋嘅眼光。當然唔係指我獨行獨斷,而係有時何必要作比較?每個人都有自己嘅唔同,無論係背景定係生活態度,所以無必要去比較亦都無必要去理其他人嘅眼光。只會比較嘅人其實真係太過表面同太過膚淺。話雖如此,有時都好奇人哋嘅睇法。

太在意


個人分享
Tagged With: , , , , , , , , ,

好多人都會好在意個社會點樣睇你,身邊嘅朋友點樣睇你,公司嘅同事點樣睇你,親戚朋友點樣睇你,老婆點樣睇你,自己點樣睇自己,等等。而好多時自自然然就會好在意身邊嘅閒言閒語,好在乎每一件事嘅成敗,因此亦慢慢令自己做嘅每一樣嘢都要諗過度過。就係因為太在意,所以好多時會令自己沉思,諗下點解件事會係咁,不過好多時事情已經過去咗無得返轉頭!

執行力

「遠見」

今日再一次受到嚴重打擊,因為再一次白白見到自己好想做嘅嘢比人搶先一步做咗。當然冇嘢好怨,只怪自己唔努力啲,去實踐。所以真心覺得自己係有遠見,但係次次只係搵唔到人去執行,而投資方面我真係唔覺得係問題。機會同市場真係要自己去開發,如果唔係就眼白白睇住啲機會一個又一個咁走咗。到時真係喊都無謂!只好同自己講下次真係認真去實踐佢!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。