逼出嚟

對於好多人嚟講,以前係屋企工作可能係一大挑戰,而好多公司都或者未試過咁大規模咁要員工係屋企工作。過去兩個月好多人都應該已經慢慢習慣,係屋企做嘢唔代表量地,亦都唔係冇嘢做,相信好多家長而家先至會明。而對於我嚟講,其實係無分別因為早就已經習慣嚟個模式。好多嘢都係迫出嚟,如果無今次嘅疫情,相信好多嘢都只係原地踏步。所以我經常講任何時候都要處於危機狀態,咁先至會有突破,唔好諗住樣樣嘢都順風順水。

不愚人

每年嘅四月一號係愚人節(April Fools’ Day),佢嘅起源係嚟自歐美地區。當日大家會用各種招數整蠱人,反應慢嘅人就當然俾人整蠱啦,最後都係要俾人提醒先至記得今日係愚人節。而近年因為社交媒體嘅興起,所以好多品牌都會係今日出一啲整蠱嘅文章。不過有時有啲嘢真係唔應該攞嚟玩嘅,尤其而家咁疫情嘅情況下。真係唔怕個世界再混亂啲咩?

留在家


個人分享
Tagged With: , , , , , , , , ,

其實個政府係唔係真係傻㗎?當然明白最近大家嘅防疫意識開始減低,但係出街唔可以多過四個人,食飯一抬又唔多過四個人,餐廳要每一台至少隔開一點五米。而措施係今晚六點鐘生效,咁今日結婚嘅新人點算?無啦啦話實施就實施,咁究竟邊個埋單先?如果一早封關,然後全部強制入隔離營,相信感染人數應該會少好多。其實已經無話邊個自私唔自私,因為無論點都好大家都希望疫情快啲過!

五十六

無問過時間真係會快到咁,因為過咗唔知邊個歲數,我哋再無同郭大少慶祝二十七號。而家大多數都係幫妹妹慶祝,所以今日想佢開心吓就買咗個蛋糕俾佢。不過因為疫情,已經有好長時間無返學,真係足足兩個幾月。復課無期,一個星期得兩堂網上課程,所有其他嘅活動都取消晒。其實最擔心嘅都係今年開始考小學,而無學返真係好驚影響到佢嘅學習。今年餘下嘅學期都真係凍過水!

大洗牌


個人分享
Tagged With: , , , , , , , , ,

今次嘅武漢肺炎係全球大暴發,初時以為只係影響亞洲地區,點知亞洲都未搞掂就已經散播到全世界。金融市場受到打擊當然不在話下,但係跟住落嚟嘅連鎖反應同影響有幾深遠就仲未知。最起碼首當其衝就係旅遊業,因為無人可以旅行亦都無人去公幹,個個宅係屋企。所以航空業,酒店業,甚至乎網上訂機票同酒店嘅平台都會受到牽連。最後仲有幾多公司可以捱得過疫情嘅影響都係未知之數!