慶中秋


個人分享
Tagged With: , , , , , , , , ,

今年真係好似無乜嘢過中秋嘅心情,雖然係自己嘅農曆生日,但係諗起以前細個同屋企人過中秋,心情又再一次低落。前嗰排先至講緊中秋節去邊度做節,真係無諗過今年會少咗爺爺同我哋一齊過。其實有時唔知點解會記得以前細個時候嘅嘢,因為真係好細個,應該係無乜記憶,但係就記得大家會上屋企嘅天台慶祝,玩燈籠。或者開心嘅嘢真係會記得一世,就算幾細個都好!

買生果

近幾年真係越嚟越多人去果欄買生果,而我大部份嘅時間都係去買士多啤梨,車厘子同水蜜桃。因為呢三樣嘢真係比較抵買,價錢一定比超級市場平,而且一定靚過超級市場嗰啲。所以識買生果嘅人都會去果欄買,當然亦有好多公司會係大時大節嘅時候去果欄買生果嚟送俾啲客!但係今年車厘子遇著農曆新年,真係多人到爆,今日去到基本上好多生果都已經賣晒!