無驚喜

今朝一早又係蘋果產品發布會,但係今次真係有啲失望,首先唔好講佢入面嘅內容,論整個發佈會嘅長度我諗係我睇咗咁多次入面嘅最短一次。另外基本上毫無創新可言,最起碼我係咁認為,因為有一半都係講環保,醫療,汽車,產品銷售同應用狀況。真係悶到差啲瞓著!其實近呢幾次嘅發佈會再無以前教主嗰種吸引力,莫講話一啲興奮都無,整體上無乜嘢吸引,仲要有少少舊酒新瓶感覺。

一小時

「地球」

地球一小時 (Earth Hour)係一個全球性節能活動,提倡係每年三月嘅最後一個星期六當地時間晚上八點三十分,家庭同商界用戶息咗不必要嘅電燈同耗電產品一小時。希望透過活動推動電源管理,減少能源消耗,喚起大家以實際行動去應對全球暖化嘅意識。

講霧霾

「柴靜」

2013年初柴靜懷孕,但係佢未出生嘅孩子卻被檢查出患有腫瘤,一出生就要接受手術,加上近年來中國民眾越嚟越關注空氣污染問題。所以,柴靜開始咗對霧霾嘅調查。佢自費拍攝「穹頂之下」,而資金來源於係嚟自之前寫作所獲得嘅稿費。係製作中使用咗一大批新嘅技術,例如 TED 嘅式演講、Infographic、動畫、移軸攝影、無人機拍攝、科幻電影特效技巧等。