背棄了

每個人都會有自己嘅理想,而理想當然係會隨住大家嘅年紀同經歷改變。雖然有時理想同現實係可以好脫節同好離地,而且有啲人亦會因為生活嘅壓力而放棄自己嘅理想,但係到最後至少核心嘅價值觀係唔應該改變。如果有日你唔單止改變自己嘅理想,甚至乎連最核心嘅價值觀都改變埋,咁當初大家認識嘅你真係當初嘅你嗎?到咗最後大家只會唾棄你,離棄你。有時何必呢?

理想化

「理想」

首先乜嘢係理想?理想係一個美好嘅願望,一個人嘅抱負,一個宏偉嘅目標!話明係理想就梗係天馬行空!咁我嘅理想係乜?我以前好細個會話做消防員,大咗就想做建築師,但係之後覺得好癲因為建築師要捱更抵夜所以之後就想做創意總監。但係今日嘅我好明顯就同細個嘅理想越嚟越無關係。咁我嚟刻嘅理想係乜,得一個就係「活得精彩」!

收感受

「開始」

由十月底開始收集「雨。感受」,目的係通過一篇篇嘅小文章去令多啲人了解運動嘅原因同感受!慢慢當一篇又一篇嘅文章寄俾我嘅時候,真係喜出望外!冇諗過大家會咁支持我嘅諗法。當然我獅子開大口想收集到五百篇,唔知得唔得,不過如果每一個係 Facebook Like 咗『雨。感受』嘅朋友都寫一篇嘅話,嚟個目標其實唔難實現!到咗今日已經收到『六十五篇』,真係要多謝大家!

港人生

「少年」

係香港,未出世就已經要同人爭嚟樣爭個樣!由婦產科醫生,醫院,奶粉,幼稚園,小學,中學,大學,等等。。。都要同人爭。因為香港嚟個環境,父母變成「怪獸家長」,啲細路變成「港孩」。仲要去學幾十萬樣嘢,話唔好輸係起跑線!咁仲有乜嘢童真。個個俾洗腦,方程式化,無晒童真。雖然話生活好咗,時代唔同咗,但係佢哋將來真係好咗?

港就業

「就業」

之前睇到篇「香港大學神科就業前景評級」真係唔知好嬲定好笑。本來都覺得好似分析得好有道理,但睇睇下又好似有啲問題。問題就係個分析好似又係錢字行先。。。唔通有錢就等於有前途?前兩日先講個『人三業』,今時今日真係冇乜嘢係有保障,可況份工呢?講咁多都係要睇個人能力多過任何嘢,淨係為錢去讀書,去返工咁同隻喪屍有乜分別?無思想,行屍走肉嘅生活囉!