每次旅行我都一定帶埋相機去影相，以前真係會帶幾支鏡頭同埋腳架去旅行。自己比較鍾意影風景，因為我影人真係唔叻，所以都係影下啲風景就算。而我最鍾意係影日落同夜景。因為每個地方嘅日與夜都好唔同，所以好多時都會特登去某啲景點影相。有時影相係為咗記錄自己去過嘅地方，因為有時真係去完太耐都已經唔記得去過邊。所以每次旅行都會影好多相返嚟！