創業心

講到創業嚟個話題其實身邊好多朋友已經唔再係創業呢個階段。好多依家已經進入守業期,而除咗繼續本身嘅業務之外,大部份人都會選擇開始拓展新嘅市場。但係正因為本身業務已經相對穩定,顧慮亦會多咗,所以瞻前顧後係在所難免。隨著時間一分一秒咁過去,好多時大家都忘記咗當初點解要創業,創業個種感覺同嗰一顆創業之心。因為要再次由安全網跳入火坑,其實真係需要更多嘅勇氣。

未死得

好多時我都同人講我未死得,但係點解會咁講?其實好簡單,因為仲食得瞓得,仲生存緊。至少未至於要瞓街,所以已經好好。但係另一個原因係因為要自己不斷處於危機狀態,咁當然創業同守業係經常處於嚟個狀態入面,而保持危機意識先可以不斷向前行同面對不同嘅競爭對手。當然有時有自己會混淆乜嘢先係現實,因為咁樣係好容易精神錯亂。一唔小心其實自己已經死咗!